香港職業高球手陳芷澄（Tiffany）已落實出戰5月10至12日在粉嶺香港哥爾夫球會舉行的「盈豐香港女子高爾夫球公開賽」，這位2016年冠軍將再度主場出擊，接受逾百位女將挑戰，試圖再嘗捧盃滋味。
今個球季保留LPGA全卡資格的陳芷澄，去年新秀球季極具挑戰性，她對於再次在粉嶺出戰感到興奮：「好幸運能夠到世界各地打波，能返到自己土生土長嘅地方比賽，感覺更加特別，可以見到好多熟悉嘅面孔，我嘅家人、朋友同粉絲等等，好希望可以再次贏冠軍。」
不過，Tiffany想爭標所面對的挑戰絕對不小，巴西現年21歲的阿特曼將會同場較量，這位新星去年彈起，2018年正式轉為職業球手參戰女子歐巡賽及女子亞巡賽等，阿特曼表示：「我好期待5月到香港比賽，舊年我啱啱轉職業首次參加，要少少時間適應場地，但無可否認，嗰次經驗非常好，今年嘅對手有Tiffany，泰國球手亦唔可以忽視，希望打出自己水準啦！」
已經是第3年作冠名贊助，瑞士盈豐銀行亞太區行政總裁趙善銓表示：「我哋早於2000年中期，已經發掘咗幾位年輕高爾夫球手，當中包括陳芷澄，佢依家已經係香港高球界典範，我相信佢可以成為好多年輕人嘅榜樣。」為期3日的比賽共進行54洞，總獎金達15萬美元（約117萬港元）。