荷利菲特有信心留低
「我有信心可以喺今季之後繼續同球隊並肩作戰！」新加盟香港東方的美國外援荷利菲特，上仗於東南亞職業籃球聯賽（ABL）處子戰，領軍完成不可能任務，擊敗積分榜「1哥」菲律賓火焰。今晚香港東方再上征途作客澳門黑熊，在巴錫繼續倦勤下，荷利菲特的籃底優勢有望再成破敵利器！
（有線體育台601周四晚7時30分直播）
打法助加速融入球隊
身高2米11的荷利菲特加盟香港東方僅2個多星期，上仗就和「巨人」迪加拿組成「雙塔」陣，成功擊退火焰搶得關鍵勝仗，個人更交出19分20籃板的「雙雙」成績。以往新兵融入需時，然而季中才加盟的荷利菲特就向球迷派定心丸：「我唔係一位太需要控球權嘅球員，唔需要長時間霸佔個波，相反更喜歡搶籃板走上走落，同對手硬碰硬，呢種打法容易幫助我適應任何球隊同戰術。」
現年26歲的荷利菲特職業生涯足迹遍全球，曾於中國和台灣聯賽效力，首次來港亦對本地文化毫不陌生：「香港中西文化夾雜，比起其他地方，要適應境絕對冇難度。」東方擁有不少高質外援，競爭激烈，對此荷利菲特「冇有怕」：「我為球隊帶來新動力，為球隊加強對抗能力，有信心往後繼續成為球隊一員，不過如今我只專注打好下場比賽，希望贏得更多。」