傳聞杜蘭特今季幫到勇士再拎總冠軍的話，就會離隊，由於佢講過冇乜邊位球星鍾意同占士合作，所以去湖人嘅機會唔大，相反紐約人喺季票廣告中，曾「踩界」暗示可能簽到「KD」，更爆嘅係佢老友艾榮都會跟埋去。
當眾捏胸「勁Hehe」
明星賽開始前，呢兩位球星熱身玩單挑，有講有笑，艾榮被封阻後仲攤喺地唔願起身，成個感覺畀人勁「Hehe」。到比賽開始佢兩個又喺後備席坐埋一齊，最後杜蘭特當選MVP，艾榮第一時間趷高摸對方個頭祝賀，而當「KD」領獎後竟然當眾捏艾榮奶頭，旁邊嘅李安納同路維睇到「O晒嘴」。消息話打完明星賽後，佢哋亦孖住去邁阿密行街，仲畀網民影埋相，Frd成咁想一齊組隊，都好合理合情啫。