凱景理文為出線希望鍊盡
今日菁英盃頭場則為B組賽事，由凱景對理文。雖然凱景目前仍未有分數進帳，但晉級仍未絕望。而理文則相當重視菁英盃，為爭取出線，今場不容有失。今仗雙方為求爭勝，定必使出渾身解數，相信能為球迷送上一場精彩的賽事！
中堅鬧兵荒 馮Sir「頭痛」
凱景自上月底於足總盃不敵佳聯元朗後，已有近兩周沒有比賽，今仗轉至菁英盃戰線，主教練馮凱文明言會一如既往，讓更多年輕球員上陣︰「好似劉穎笙咁，佢第一次上陣就係菁英盃對傑志，佢踢得唔錯所以之後都有機會踢，成績都係其次，更重要係佢哋可以把握到機會。」不過，「馮Sir」透露球隊正面對傷兵潮，除隊長杜瑋鴻長抖、許嘉樂要休養8周，羅拔亦在練波時受傷，加上域陀又因為借用條款未能上陣，令中堅選擇相當「頭痛」。
另邊廂，理文主教練陳曉明亦明言菁英盃屬球隊重要目標，故此今場不容有失：「依家小組形勢混亂，好多隊都有出線機會，所以今場波對我哋嚟講係無退路，希望可以贏波兼攞番信心！」球隊目前有羅俊仁、談樂軒受傷未能上陣。