博出線！夢想ＦＣ撲擊東方龍獅
菁英盃尾場於青衣運動場開打，由夢想FC對東方龍獅。現時夢想FC於A組2戰全勝得6分，今仗只要贏波，即可鎖定4強席位，不過客隊東方龍獅雖出線無望，但急需一場勝仗激勵士氣。今場兩軍對壘，勢必有一番龍爭虎鬥！
夢想FC坐擁「主場」之利，主教練梁志榮揚言：「上季入到4強，希望今季可以再進一步，畀班年輕球員踢下決賽。我哋依家有6分，希望今場可以贏埋！」他又指：「今場贏嘅話我哋就輕鬆啲，之後可以專注番聯賽，因為之後對佳聯元朗、凱景嘅兩場聯賽對我哋好緊要，希望球員可以繼續保持呢份氣勢、鬥志、決心去踢！」
東方盼贏波谷士氣
另邊廂，日前東方龍獅主教練陳婉婷請辭，其職務由黃鎮宇暫代，「黃Sir」表示：「球員好專業去面對呢件事（陳婉婷離職），我對球員都充滿信心，相信佢哋都會用好積極嘅態度去面對，希望球隊打番應有水準，用一場勝仗扭轉近期狀況！」不過，考慮到菁英盃的性質，「黃Sir」透露仍會安排合適的年輕球員去出賽。然而，東方龍獅目前傷兵不少，艾華頓、洛迪古斯、徐德帥、曾錦濤、謝朗軒、姚浩明都掛免戰牌，惟中場林嘉緯則有望披甲。