鬥勇士前大帝玩縮沙

尋日NBA常規賽重頭戲勇士主場大鬥湖人，球迷一心等睇勒邦占士大戰杜蘭特同「咖喱仔」等「金鑽兵團」，點知啱啱復出嘅「大帝」喺開波前，突然以「負荷管理」為理由宣布休戰，勇士當然唔同你客氣，奇利湯臣攻入28分、杜蘭特入21分同有11次助攻，史堤芬居里頭8射全炒下都拎到14分，勇士最終輕鬆贏115比101。勒邦占士之前因傷缺陣17場，上仗復出對快艇打足40分鐘，點知今場重頭戲又宣布唔打，教練禾頓解釋希望好好保護勒邦占士，唔好畀佢因為搏得太盡又傷過咁話。