蔡子濤Ready守龍：目標零失球

由於正選門將謝家榮左腳受傷，或未能趕及省港盃次回合復出，首回合後備上陣把守港隊最後一關的蔡子濤，今仗有望正選上陣，他期望：「如果有得踢，當然係零失球，因為零失球代表場波唔會輸，入波就全隊一齊努力！」

蔡子濤首回合下半場58分鐘入替謝家榮，並在餘下時間力保不失，賽後更獲得不少好評，但他未有因此自滿：「實有啲開心嘅，但係都盡量撳住，因為自己知道又唔係真係踢得特別好，有少少失誤。我都會睇重播，睇吓自己有咩失誤，之後再改善、加強。」

與大部分隊友一樣首次征戰省港盃，「子濤」明言要珍惜機會：「上年其實我有入場睇，今年入選真係估唔到，明明上年仲係一個球迷坐喺場邊，估唔到今年有機會坐後備，甚至出場。自己都知道呢個機會好難得，要好好珍惜，希望自己可以一路踢上去。」