魯域斯基復出膺最忠誠球星

獨行俠喺昨晨NBA作客以89比99不敵太陽，造就對方終止10連敗，不過「德國槍」魯域斯基養傷8個月後終於復出，成為聯盟史上首個連續21季為同一球隊上陣嘅球員，打破高比拜仁連續20季效力湖人嘅紀錄，登上NBA最忠誠球星寶座！40歲嘅魯域斯基喺今年4月接受足踝手術後就一直養傷，連季前賽都冇參加，經過多次延期，今場佢終於正式重返球場，雖然佢只係後備上陣6分鐘，但以「招牌式」擦板跳投攞2分，一樣引來全場球迷歡呼。