聽音樂可以陶冶性情，好多人喺面對繁忙工作及壓力時，都會選擇停落嚟，聽一聽音樂紓緩吓緊張情緒。而美人兒三浦海除咗以燦爛笑容令人甜入心，亦希望可以用音樂治療大家嘅心靈。
沒有對比就沒有傷害，如果唔將集肥、醜、矮於一身嘅小弟同高大靚仔比較嘅話，其實我都係一個好男仔，之不過冇對比嘅話，呢個世界就冇好壞、美醜之分，生於此世又點會有樂趣可言呢？如果三浦海嘅曼妙身材唔係如此纖薄，又點會令純天然C Cup美乳顯得更加豐滿、更為突出呢！剛滿20歲嘅三浦海可以話係模特兒界嘅新寵兒，一來薄身好波嘅身材的確係夠吸引，二來天生麗質，雙眼電力非凡之外，仲擁有「王道系笑容」，可以話一笑生花，足以顛倒眾生呀！
三浦海嘅笑容充滿治愈能量，而身材亦相當養眼撩人，但係佢仲希望用另一個方法為大家治愈身心。阿妹自小熱愛音樂，更擁有絕對音感呢種過人才能，讀大學亦主修音樂科，最拿手就係彈鋼琴。最近佢表示想做音樂治愈師，不過要達到目標相信唔係咁易，唔係話佢天資有限，而係阿妹嘅工作實在太忙，成為模特兒以來，工作量與日俱增，至今已經為20本雜誌拍過硬照，同時又忙於行天橋Show以及擔任展覽女郎，另外佢仲做埋WBSS拳賽嘅舉牌女郎，最近更參與拍電影，話想學知名女星佐佐木希及新木優子咁叻，你話三浦海咁忙，仲邊有時間去考音樂治愈師資格呢？
簡介：三浦海會定期將自己嘅工作情況喺社交網同大家分享，當然唔少得自拍性感照，想緊貼阿妹嘅動向就要多留意喇！
網址：https://twitter.com/miuraumi1207
年齡：20歲
身高：5呎3吋
三圍：32-22-33
撰文：賢