淳淳嗌好玩陳Sir旁述真功夫
「淳淳」首次擔任直播評述大嗌好玩！香港游泳代表歐鎧淳昨日獲邀擔任D1泳賽直播旁述，平時在泳池比賽就試得多，首次做旁述她亦大呼過癮：「好好玩，其實一開始我唔肯，因為驚唔識點做，所以初賽有入場觀戰。但今次有陳Sir（陳耀海）喺度完全唔同，真係學到好多嘢！」
每年都會抽時間回來觀看學界比賽，「淳淳」認為學界氣氛一流，一班港隊師弟妹的表現亦與平日不一樣：「見到佢哋喺番自己舞台上發光發亮，眼神、姿態都唔同，喺亞運比較驚，因為始終係細個班，嚟到呢度佢哋散發嘅氣場即刻唔同咗，學界賽吸引人嘅地方就係呢啲。」