打唔打大師賽？傅家俊：要睇兩大賽發揮
一連兩日的澳門桌球大師賽昨晚煞科，桌壇8大高手分兩組進行團體賽，再作六個紅球挑戰賽決一勝負，但都以表演及推廣性質居多，反而明年一月舉行的才是真正的大師賽，世界排名17的傅家俊（Marco）仍在參賽名單當中，不過屆時能否參加，Marco就說緊接的兩項大賽是一大關鍵。
「澳門大師賽之後，我將會飛赴中國大慶參加國際錦標賽，年尾仲有個英國錦標賽，打完呢兩個賽事，就知道打唔打到今季嘅大師賽。」傅家俊指出：「由於有飛蚊症關係，其實休息一年更好，但不能不比賽，我會繼續比賽及保持狀態。」
認狀態未返嚟
對於中國內地愈來愈多職業賽及排名賽，他認為對中國球手來說是好事：「我對於到內地打比賽表示歡迎，而且聽說有關方面都努力在香港舉辦排名賽，只是不知進展如何，希望自己還有機會比賽吧。」
至於澳門大師賽，昨午進行最後兩場團體賽後已決出勝負，由鶴健士所屬一方以總分5比1勝出，4位球手可獲得5萬美元獎金，傅家俊一方則落敗，Marco承認自己未回復狀態，但喜見大家睇得投入，對推廣這項運動應有幫助。
黃兆崑澳門直擊