湖人開齋 大帝用行動拒絕高比「復出」
湖人開季3連敗令球迷擔心，湖人名宿高比拜仁日前上電視節目，為自己首本自傳《曼巴精神》造勢時，主持話覺得湖人會連輸20場，咁嘅情況佢會唔會復出，高比仔答：「如果連輸5場，我就會考慮！」搞到班粉絲鬼咁興奮。不過勒邦占士就用行動向高比說「不」，佢尋日率領湖人作客以131比113擊敗太陽，打開今季勝利之門，親手拒絕咗高比嘅「復出」！
雖然朗度同班頓恩格林因打交事件繼續停賽，幸而麥基獲20分及6個籃板，加上占士嘅19分、7個籃板、10次助攻同3次搶截，3節後就開啟「收工Mode」，坐低欣賞球隊「開齋」。