唔Mind排名吳安儀要篤過界

亞洲女子賽連贏3場

「安儀」年初首次登上世界一姐寶座，不過她接受訪問時，直言沒有太介意排名，反而已經展望下一個挑戰：「嚟緊想打多啲男子賽，包括爭取出戰Challenge Tour（桌球挑戰巡迴賽）。過去幾次參加男子賽都唔係好滿意自己表現，睇得出自己同對手嘅差距，不過亦都確信可以打得更好，希望可以進一步提高自己嘅水平。」

亞洲女子桌球邀請賽首次於香港舉辦，「安儀」坦言在自己地頭作賽，比在外國壓力更大。她首戰直落3局輕勝新加坡球手陳美燕，及後再連贏兩場，成功闖入8強，賽後她大談今次頭號勁敵泰國的勒查露：「佢係一位基本功好好嘅球手，尤其打遠枱波好準，近年進步好快。」今年幾次對住這位新星都曾失手飲恨，迫使這位四眼Cue后檢討自己：「我覺得係對自己嘅警示，話畀自己聽要不斷進步。」

圖/文：林卓臻