頑抗香港飛馬凱景目標搶分
今日港超頭場凱景在深水埗運動場迎戰香港飛馬，凱景上仗主場大敗而回，主教練馮凱文認為球員上了寶貴一課︰「隊中外援默契已經有所改善，失望嘅係製造唔到入球，其實我哋都有兩三個機會入到波，只係感覺上爭勝心唔夠強，希望今日可以搶分。」球隊近日訓練就球員的踢法及走位作適當調整，惟隊長杜瑋鴻將因傷缺陣。
陳浩然未敢忽視對手
香港飛馬自月初對理文後，已有逾兩周沒有比賽，但主教練陳浩然反而讚好︰「呢段時間啱啱好畀我將戰術話畀球員知，我同球員多咗溝通，喺心理上做多啲，佢哋就有信心。」問到凱景較多年輕球員首次踢港超是否「輸蝕」，「陳Sir」認為︰「年輕球員每次落場都會吸收到經驗，進步得好快，唔可以單靠一兩場比賽就忽視佢哋嘅能力。」飛馬中堅張志勇及中場胡晉銘早前勇戰受傷，兩人雖已復操，但尚未能披甲上陣。（周日下午2時30分開賽）
