佳聯元朗5:1大破夢想FC
昨日港超尾場佳聯元朗對夢想FC，元朗憑慕沙梅開二度，加上葉子俊、陳廣豪及基爾頓各建一功，最終大勝5比1。
主場出擊的元朗開賽6分鐘便領先，慕沙把握對手後防犯錯頂入空門，其後雙方多於中場爭奪，到44分鐘慕沙禁區邊避過對手後起腳中柱，元朗1球領先半場。
郭嘉諾點名讚基斯
易邊後元朗繼續施壓，葉子俊及慕沙先後於59及69分鐘建功，領先至3比0。落後的夢想並未放棄，拿祖71分鐘搏得12碼，親自操刀射入，惟4分鐘後元朗再度拋開，陳廣豪左路推大位抽射破網，連同基爾頓91分鐘12碼「埋齋」，元朗大勝5比1。賽後元朗主教練郭嘉諾稱：「我覺得大家互有攻守，球隊上半場過於保守，球員驚輸所以好多長波，下半場放膽後有番成果，唯一失望係失咗球波。」他點名讚揚中場基斯的表現：「佢好唔起眼，但好緊要！」