理文提前北上挑戰富力R&F

港超聯今午2時30分於廣州燕子崗體育場上演的另一場賽事，由富力R&F迎戰理文，主隊今仗有「波監」刑滿的主教練楊正光重返後備席領軍，「光Sir」表示球隊連勝後士氣大振，並以全取3分為目標。客軍理文亦刻意提早兩日北上備戰，務求一眾球員以最佳狀態出擊！

首輪聯賽不敵東方龍獅後，富力R&F於聯賽兩仗分別擊敗香港飛馬及凱景，主帥楊正光表示今場會以3分為目標，對於有機會上演雨戰，他透露過去一周廣州持續下雨，適應方面不難︰「當然天氣會有啲影響，環境令上個星期備戰有少少困難，幸好經過球隊內部協調後，訓練上都安排到。」

目前於聯賽1勝3負排第8的理文，為備戰今仗作客廣州，提早於周三前往佛山進行集訓，主教練陳曉明表示效果理想︰「球隊提早上廣州集訓，原因係聽番上過嚟比賽嘅球員、教練嘅意見，都話如果太近比賽日上嚟，球員舟車勞頓會較疲累，所以我哋早啲上嚟，等球員有時間恢復。」

何彥霆廣州直擊