港隊「作古仔」與眾童樂
香港足球代表隊昨午到安徒生會竹園中心與一班小朋友交流歡聚，一班「大人細路」先聆聽龜兔賽跑故事，繼而合作完成故事改編，最後更走出球場一起踢球，場面熱鬧笑聲不絕。
主教練韋特指活動有利球員恢復：「今次係一個好美妙嘅經驗，球員要恢復精神，同小朋友玩就係好好嘅精神食糧，畀到球員力量去應付之後比賽，而且港隊亦要負起社會責任，為公眾做番啲嘢。」隊長葉鴻輝亦大讚活動有助減壓：「港隊比較少呢啲慈善活動，球員喺賽前賽後都會有較大壓力，同小朋友玩可以放鬆到。」後衞劉學銘稱活動一舉兩得，放鬆之餘又可讓更多人認識港隊。
劉學銘恨砌低印尼
對於周二作客印尼的友賽，韋特坦言期待：「上場對泰國雖然贏唔到，但表現好好，我重睇場波5、6次，已經好期待去準備對印尼嘅比賽。」早前亞運會對印尼曾取得入球的「學銘」揚言今次要「復仇」：「亞運對印尼時自己有入波，好希望用另一個身份再對多次印尼，更希望今次贏到！」
陳焌鏗報道