傑志旗開得勝兩蛋贈理文
本季「中銀人壽香港超級聯賽」昨晚於將軍澳運動場上演揭幕戰，作客的傑志憑着費蘭度於比賽初段先開紀錄，加上後備上陣的中村祐人完場前的入球，以2比0擊敗理文，衞冕第一擊順利報捷。
理文開賽5分鐘有新援戴倫度於右路突破殺入禁區施射地波，但被王振鵬接實。傑志8分鐘便先開紀錄，黃洋於禁區外突施冷箭，被袁皓俊撲出不遠，伏兵門前的費蘭度第一時間補射入網。理文戰至19分鐘雖有黃駿軒單刀入禁區破網，惟被判越位在先入球無效。
傑志25分鐘再有入球機會，盧卡斯中路接應費蘭度傳中跳頂稍為高出。主隊於40分鐘出現黃金機會，惟戴倫度禁區內接應隊友左路傳中抽射高出，理文半場落後0比1。
陳曉明讚新兵余緯廉
理文下半場換入梁嘉恆加強攻力，不過傑志戰至50分鐘再有入球機會，施素高接應丹尼左路回傳抽射高出。力圖扭轉敗局的理文戰至81分鐘，先後有顏樂楓及方栢倫於左右兩側傳中製造威脅，惟均被敵衞瓦解。傑志於94分鐘有後備上陣的中村祐人接應泰迪回傳近射得手，將比數改寫為2比0完場。
理文主教練陳曉明賽後認為雲貝基、戴倫度及干沙利斯等新援表現不俗，亦稱讚新加盟球隊的後衞余緯廉︰「傑志係衞冕球隊，去到比賽尾段有咁多有能力嘅非華人球員，今場要余煒廉緊盯住盧卡斯同費蘭度，我覺得佢盡咗好大努力，盧卡斯同費蘭度係最有威脅嗰兩個，我覺得球隊整體防守係可以接受。」
傑志主教練朱志光則表示︰「如果球隊想繼續爭取成績，就要喺埋門同攻守轉換有所改善，比賽係贏咗，但唔可以作準，嚟緊嘅比賽仲要好集中，目前大家都有『季初病』。」