跨越陰霾呂麗瑤激動摘銅
「我覺得呢一年來，係田徑幫咗我，當我有好多嘢令我煩惱，情緒好差嘅時候，我就會去練習，用練習去抒發情緒。基本上我每日起身練習、食飯、練習、治療同訓覺，每日就係用呢個行程去麻醉自己。」短短9個月，「欄后」呂麗瑤歷盡人生的酸甜苦辣，昨日在亞運女子100米跨欄決賽，勇奪一面銅牌，成為香港歷史上首位女子跨欄選手登上亞運頒獎台，賽後這位年僅23歲的「欄后」壓力終於釋放，淚灑她最愛的田徑場。
港首位女跨欄手亞運獲牌
上年9月曾在Fb發表「#me too」的一幕，引起全港關注。但呂麗瑤之後埋首練習，縱有受影響，依然努力不讓壞情緒干擾自己備戰亞運。昨日在決賽她排第1線起步，起步最先彈出，但之後被南韓鄭惠林和印尼Nova追過，最後力壓中國王逗，以打破個人最佳時間（PB）的13秒42奪銅。獲悉自己跑入三甲，呂麗瑤當場淚崩，賽後受訪更感觸道，這是她田徑生涯最重要的一塊獎牌：「證明咗我過去幾年嘅努力，好老套咁講，中間都係有過受傷，想放棄，但我諗我之後唔會再有咁嘅諗法。」
4年前於仁川亞運跑出個人最佳，但未能進入決賽。4年後今天成功登上頒獎台，這分意料之外對她來說當然意義重大： 「佢令我更加相信自己，只要自己想做，就一定會做到，我發夢都唔會諗到，自己可以追到南韓選手，同佢好近咁衝線。」
另外，亞洲紀錄保持者、中國跑手蘇炳添昨晚在「百米飛人」決賽以9秒92奪得金牌。