郭Sir：佢哋有壓力o架
香港U23足球代表隊今午5時面對重大挑戰，16強硬碰烏茲別克爭入8強。烏軍分組3戰全勝盡顯霸氣，港隊主教練郭嘉諾望小將放膽去踢：「入到16強，我哋好多嘢都豁咗出去，希望今場繼續踢好波。」（奇妙電視77台、有線662及602台周四下午5時直播）
對手有俄超球員 睇片摸底
烏茲別克年初勇奪U23亞洲盃，今屆亞運就有15位冠軍隊成員，當中進攻中場卡姆達莫夫效力俄超勁旅安治，今屆賽事已取得兩個入球，預料會為港隊帶來不少麻煩。不過「郭Sir」認為對手或會因壓力影響表現：「之前都有睇佢哋U23亞洲盃嘅片，佢哋晉級過程中贏過中日韓同越南，當時嘅冠軍隊成員基本上全部都有踢今次亞運，默契同狀態都好好，但我認為壓力喺佢哋身上，因為佢哋會覺得自己係要去爭獎牌，可能會影響表現。」港隊目前有列斯奧和謝朗軒因傷病需休息，而前鋒佐迪相信會復任正選。今日比賽場地轉為西卡朗（Cikarang），「郭Sir」透露在警車開路下，車程仍需約45分鐘。賽事90分鐘內打和將加時30分鐘，再和則互射12碼決勝。至於昨晚女足賽事，港隊以6比1擊敗塔吉克斯坦，以小組第3名打入8強，將會面對強敵南韓。