歐鎧淳:食粥食飯睇呢鋪

2018印尼雅加達亞運會正式開幕!首日多項賽事掀開戰幔,港隊眾將於各戰線分途出擊,其中游泳館決出的7面金牌之中,港隊去屆就於強項女子4X100米自由泳擸走銅牌,今次「香港飛魚」有望「食過翻尋味」,儘管主將何詩蓓缺陣,「美人魚」歐鎧淳仍希望打頭陣為港搶得第一面獎牌,為港隊於亞運「長途賽」增添士氣!

游泳賽事今日於雅加達中央的格羅拉蓬卡諾主賽區展開,港隊雖於前晚才到埗,但昨晨仍把握僅有「踩場」機會練水。港隊於女子4X100米自由泳的出賽名單儘管未有透露,但現場訓練所見,歐鎧淳及鄭莉梅都有重複練習接棒跳水動作,再加上「4朝元老」施幸余都屬去屆銅牌得主,相信港隊很大機會沿用3位主力出戰,惟何詩蓓月前因傷退賽,代替人選有待確認。不過「淳淳」仍對團隊充滿信心:「呢個算係比較有信心嘅一個接力,食粥食飯睇今次,始終集埋嘅力量係最多,所以一定要頂硬上!」她又指未有留意自己或會游出港隊第一牌,表示不存在壓力,希望自己及年輕隊友都交出好成績。

杜敬謙Ready爭佳績

比賽場地雖然有瓦遮頭,但游泳館其實兩面與露天地方連接,屬於「半室內」,部分位置感到悶焗,不過「男飛魚」杜敬謙(Kenneth)強調無論面對各種環境,都準備好游出最佳狀態:「即使選手村嘢食唔係最好味,房間細啲都冇所謂。亞運對香港人嚟講係大比賽,我全年計劃都係為咗今次,加上冇乜傷病,我已經Ready!」Kenneth話隨泳隊32人大軍出發,於選手村內一起用餐,已讓他對亞運感覺更真實。明日的200米混合泳會是他今屆首個項目,他希望先找到感覺,再於其後的100米自由泳比賽,於女友Kelly打氣下爭取獎牌。

重劍一哥方凱申登場

至於香港劍擊隊同日亦會衝牌,方凱申及何瑋桁出戰男子個人重劍,而歐倩瑩和張藝馨就會在女子個人佩劍賽上陣。當中本地男重「一哥」方凱申於去年全運會先為港隊取得歷來首面銅牌,今年6月更在泰國曼谷舉行的「2018年亞洲劍擊錦標賽」中過關斬將,摘下個人第一塊亞洲賽獎牌,今屆亞運他又能否再寫下歷史新章?港羽毛球隊則於男、女子團體賽16強亮相,男隊會火併蒙古,而女隊就惡鬥主辦國印尼。網球就由「香港一姐」張玲領軍,分別出戰男、女單及混雙的首圈賽事,大家記得留意,齊齊撐自己人!(有線661台周日晚7時直播各項賽事)