下月中舉行的印尼雅加達巨港亞運，在本月初男子足球分組賽抽籤時遺漏已報名兼合資格參賽的阿聯酋和巴勒斯坦，一度掀起重抽風波。亞洲足協昨公布把遺漏的巴勒斯坦及阿聯酋列入A組及E組作賽。
巴勒斯坦被列入港隊所處的A組，同組其餘對手為印尼、老撾及中華台北。原以為避開了中日韓等勁旅抽到好籤，無奈最新分組結果令香港23歲以下代表隊要多踢1場分組賽，港隊臨時主教練郭嘉諾表示，組內增加對手對港隊備戰有影響 ：「原本預計第一場波大概8月14、15號舉行，依家10號就要踢第一場，備戰時間縮短，對我哋訓練、友賽同賽前準備都好大影響。」港隊原訂下月9日的友賽亦要取消。
至於組內添對手對出線的影響，「郭Sir」解釋：「因為組內多咗一隊，計出線時只係計四隊成績，最後一隊所有成績唔計。假設我哋大比數贏對手，得到好好嘅得失球優勢，但如果呢隊波最後喺榜尾，呢場波成績唔計，會對我哋好大影響。我哋要出線嘅話，首、次名又好，最佳第三名又好，得失球其實好影響出線席位。」「郭Sir」更表示巴勒斯坦極為神秘、資料不多，只知道隊內有不少球員效力歐洲球隊，實力絕對不容忽視。
力爭衞冕的南韓身處的E組，同樣有5隊爭出線資格，除了南韓外，分別為阿聯酋、吉爾吉斯、馬來西亞及巴林，其他4組則無變動。