男人見到女人第一眼必先望個樣，睇吓係咪索女，至於第二眼又會望邊度呢？相信絕大部分男人一定會望心口，事關受制於男人嘅本能，胸前偉大嘅女性有一種莫名嘅吸引力，亦正因為咁嘅緣故，南韓模特兒春秀妍令男人一見傾心。
雖然單憑外表嚟評定一位模特兒係咪吸引會太過膚淺，但實情卻又如此，身材愈火辣愈吸引男士注意，好似喺南韓首爾出生嘅春秀妍咁，在學時期因為迷人嘅樣貌及出眾嘅身材，引嚟唔少男士追求，不過當時佢專心學業，所以拒絕拍拖，更自稱係條書蟲。至於點解秀妍會無端端入行做模特兒呢？話說佢有位閨密好姊妹兼職做模特兒，有一日佢到展場為對方打氣，模特兒事務所人員見到佢如此亮麗嘅外形，即刻問佢有冇興趣做Model，當時佢感到相當錯愕，皆因佢從未諗過自己會同呢行扯上關係。事務所人員見秀妍並冇即時拒絕，便加強游說，加上好姊妹嘅支持同鼓勵，結果佢便答應。
當時樣貌仍帶青澀嘅秀妍，起初工作並唔太順利，而最難倒佢嘅地方，就係唔習慣以性感造型喺鏡頭前擺甫士，幸好獲得好姊妹同攝影師嘅指教，令佢慢慢熟習起嚟，表現愈嚟愈好，同時人氣亦不斷提升。及後事務所安排佢以Show Girl身份喺一個產品展銷會登場，雖然佢從未有大型活動表演經驗，但憑住本身堅定嘅個性，初次演出亦能夠順利完成，而經過呢次工作後令佢提升唔少自信心。
雖然秀妍嘅初次演出並唔算太過出色，但係其出眾外形令在場人士眼前一亮，令唔少人認識到呢位新進模特兒，而最重要係令事務所對佢充滿信心，放膽為佢安排更多大型活動嘅工作。及至2014年秀妍以車模身份喺國際車展上登場，當時佢以一襲吊帶低胸迷你裙造型亮相，激凸嘅上圍成為展場內嘅亮眼焦點，配合一對修長美腿，成為攝影師爭拍嘅對象。經過呢次活動後，秀妍嘅名字紅遍網絡，同時被封為一代乳神模特兒。
隨住人氣不斷提升，同年佢又踩入賽車女郎界喺賽事上登場，呢次佢嘅性感度更高，令佢獲得更大嘅注目度。自此以後佢嘅工作排得密密麻麻，人氣更係有增無減，性感度更係愈嚟愈高。有見及此，事務所安排佢同幾位模特兒組成女子組合進軍樂壇，希望食住個勢將事業推上高峰。當時秀妍相當雀躍，佢從未諗過自己可以成為演藝界其中一員，而為咗籌備處女登場演出，佢夥同其他團員努力排舞及鍛煉歌藝，期間仲要兼顧埋模特兒工作，相當忙碌，2015年初終於推出首張女團EP。不過當佢積極進行宣傳工作時，發現自己嘅健康因為工作壓力而出現問題，經過一番細想後，佢決定放棄演藝工作，主力做模特兒，雖然佢覺得很可惜，但係佢一啲都冇後悔，因為身體健康最重要。
簡介：春秀妍擁有超火辣身材，尤其係一對激凸雙峰，不論喺車展定賽道上亮相，總會成為大家嘅焦點。不過其實呢位火辣女神嘅性格，同樣值得大家深入認識，至於未來嘅發展佢相信會愈做愈好。如果大家想了解佢多啲，就要Click入呢個網站。
網址：http://cafe.daum.net/bomsuyeon
出生地：首爾
身高：168cm
三圍：36-24-35
撰文：魂