3000粉絲見證法國捧世盃
4年一度的體壇盛事世界盃終於圓滿落幕，除了酒吧和茶餐廳外，今屆世界盃球迷多了一個好去處，就是在商場看球賽，特別適合一家大細齊齊透過看比賽享受天倫之樂。將軍澳東港城今年特別在中庭安排大電視，全程直播世界盃賽事，來到決賽更加是燃點起最後一晚世界盃狂熱！
為霸靚位欣賞法國對克羅地亞的決賽激戰，雖然晚上11時才開賽，有球迷在3小時前已經在東港城排隊，有不少爸爸帶同兒子一起，看來希望從小培養小孩看足球比賽的興趣。
安排細心又玩又食
球迷陸續入場「坐定定」後，一系列的「Warm Up」活動開始，務求在開波前炒熱現場氣氛。首先有啦啦隊表演，大玩足球人浪，之後的遊戲送大禮環節，球迷都逐漸進入狀態。東港城在決賽當晚更有超細心舉動，為擔心球迷睇波中途肚餓，特別安排任食甜品Buffet，一邊看比賽一邊食甜品，真是一大樂事。
開波前下層早已滿座，球迷為支持愛隊，連上層「企位」都不放過，現場大約有3,000名球迷留守，與大家一起見證王者誕生！現場法國和「格仔兵團」克羅地亞球迷各佔據一個山頭，在「格仔兵團」成功追和1比1時，現場歡呼聲不絕，全場氣氛High到爆。
今場決賽法國和克羅地亞合演了一場入球騷，之後每一個入球都引來全場掌聲。法國最後贏4比2捧走今屆冠軍寶座，大會再次細心安排法國球迷上台開香檳慶祝，隨着法國隊高舉冠軍獎盃，4年一度的世界盃結束，約定你4年後再見。