港亞運足球隊抽靚籤
亞運足球賽事昨日公布分組賽抽籤結果，香港抽得上籤，與印尼、老撾、中華台北同組，臨時主教練郭嘉諾接受查詢時直言「好彩」：「對比亞洲盃外圍賽形勢，我哋喺亞運當然好啲，唔使對北韓、黎巴嫩等等。好彩係呢條籤全部都係東亞球隊，4隊都彼此熟悉，比較容易搵到資料。」
雖然抽到好籤，但「郭Sir」仍不敢輕敵：「之前喺『亞洲足協23歲以下足球錦標賽外圍賽』對過老撾同中華台北，我哋取得1勝1和，都算熟悉佢哋。但對手都一樣可以用超齡球員，加上陣容有變，所以都存在好多變數。」同時「郭Sir」視東道主印尼為最強勁敵：「印尼U23其實好強，加上佢哋有主場之利，因此同抽中對亞洲一線球隊冇分別，所以暫時都係以出線為目標。」