世盃索主播：咪做「問題少女」
世界盃已到最後8強倒數階段，相信一眾「不懂睇波的女人」即將脫苦海！但作為體貼女友，當然會選擇積極「進攻」，「捱眼瞓」陪伴另一半投入世盃之中，討歡心之餘更免卻「獨守空房」的痛！姊妹們若想把握最後機會，就要聽聽Now TV世盃主持張洛蔚（Anladia）和麥麗怡（Lily），為各女生準備的「女友睇波要知的二三事」了！
本身是混血兒、擁有「鬼妹仔」性格兼平日話題多多的Anladia，告誡姊妹們在男朋友認真觀賞球賽時不應打擾：「女仔千祈唔好喺隔籬不斷問『依家邊隊踢緊呀？』『佢做咩跌低咗嘅？』等問題，等緊張時刻過咗先問都唔遲。另外，事實類別嘅嘢就自己google吓，唔好乜都問一餐，邊隊球隊踢緊、佢哋着咩顏色嘅衫，其實上網搵吓就一目了然啦！」
「足球用語你要知」
Lily亦補充說醒目的女生，不要將問題常常掛在嘴邊，靜靜坐在旁邊就是最好的支持。究竟哪支球隊最勁？答案當然是你男朋友的愛隊啦！不要再「傻豬豬」去問！
女生對足球知識普遍都不如男生豐富，但Lily直言即使看不明白球隊採取甚麼戰術，有些技術字詞也一定要認識：「今屆一定要知道咩係VAR！」Lily邊說邊用兩隻手指比劃成長方形。VAR（Video Assistant Referee），是今屆世界盃首次引入的「影像輔助裁判」技術，面對爭議場面時，球證可回放比賽錄影片段，以作出最準確、公平的判決。Anladia亦補充若與男友睇波時，能夠表現出有基本認識外，如知曉如VAR的新足球用語，相信男友一定對妳另眼相看！
首次做live勁過癮！
Lily和Anladia兩人均是首次擔任世界盃主持工作，對於這項新任務，二人異口同聲說具挑戰性但非常有趣：「今次係第一次做直播節目，所以所有嘢都好新鮮，當然亦有『蝦碌』事發生過。」Lily透露有一次做哥斯達黎加賽事時，見到門將基羅拿華斯出迎，點知講完『基羅拿華』後就停了，場面甚為尷尬！
首次接觸直播工作，心情難免緊張，既要為電視機前的觀眾帶來準確的資訊，又要留心耳機內工作人員給予的指示，Anladia表示幸運地有一班經驗老到的評述員在旁：「我哋始終比較新，有時候會甩咗、窒咗，好彩一班評述員都會幫我哋接番住。」