華杜斯盼贏埋足總盃
應屆「4料足球先生」華杜斯，前晚獲匈牙利足總召入國家隊的初選名單，他期望能夠於周六再贏足總盃，以增加自己躋身決選名單的機會：「目前只係35人嘅初選名單，假如贏埋足總盃，會對我有幫助，我哋需要將目光放喺周六嘅決賽。重返國家隊一直係我嘅目標，希望可以成事，眼前首要目標就係協助傑志贏埋足總盃。」
對於相隔7年再獲國家隊徵召，華杜斯認為自己表現不俗，並盼有個完美結局︰「每次落選國家隊我都唔會太灰心，但感覺上始終唔係幾好。依家有機會達標，我認為自己表現唔錯，但唔敢同其他匈牙利中場比較，喺我嘅職業生涯中，我已經喺國際舞台上證明過自己嘅能力，所以今次有記者再去報道呢件事都係好事，呢單新聞喺匈牙利亦係轟動。不過現時只係初選，我希望入到去決選名單，所以要先忘記呢件事，嚟緊周末全心為傑志爭標。」