傑志為盃賽變陣冠忠南區力衝前4
今午「中銀人壽香港超級聯賽」獨腳戲，由近期5連勝的冠忠南區於香港仔運動場迎戰已提早封王的傑志。今季兩度交鋒南區均在領先下被逼和。南區固然想力爭前4，傑志則因傷兵潮而陣容有變，兩隊同要兼顧盃賽，戰果隨時意想不到！（on.cc東網周六下午2時30分直播）
近期重返勝軌的冠忠南區，除足總盃將與和富大埔爭奪決賽席位外，聯賽亦希望打入「前4」。主教練鄭兆聰透露，球隊目前並無傷兵，今仗亦只得馬天尼斯停賽，對迎接餘下賽事而言，情況尚算理想。
鄭兆聰望延續近期佳態
雖然今季兩度打和「藍鳥」，但「Ricky Sir」坦言贏波信心不大，但希望球員能發揮正常水準︰「我哋近期表現同首循環嘅波冇乜分別，只不過係把握到機會同減少犯錯。不過我哋都明白球季會有高低潮，但球隊去到季尾都想每場波搏到盡。我不嬲都對球隊有信心，你問我今場係咪真係有信心？我諗冇一隊波會對住傑志有信心，事實上佢哋嘅人腳好過晒其他球隊，但足球都要睇臨場表現，我希望球員落到場有好表現，延續近期嘅良好走勢。」
朱志光：聯賽金身順其自然
上周剛於菁英盃打入決賽的傑志近期傷兵滿營，除一對中堅艾里奧及列斯奧仍在養傷外，辛祖與科蘭亦未完全康傷，至於上仗因拉傷肌肉而退下火線的盧卡斯，證實至少要抖3周。已提前成功衞冕港超的「藍鳥」，今季聯賽未嘗一敗，對於有機會以不敗姿態完成聯賽，主教練朱志光表明不會太在意，強調現階段要為餘下的足總盃及菁英盃作最佳準備︰「始終球隊有球員受傷，加上有部份曾外借出去嘅球員踢唔到盃賽，所以佐迪同李毅凱佢哋會喺聯賽上陣，要確保球隊有較佳嘅陣容踢盃賽。作為教練有責任喺每項賽事爭取最好嘅成績，要喺適當時候分輕重，所以對於不敗與否唔會太介懷。不過自從亞冠之後班球員都愈踢愈順，信心亦好強，部車開到順咗，就算叫佢哋就住都未必得！」
文：何彥霆