自從兩年前經歷與足總盃擦身而過的酸苦後，「阿鏗」今季再遇上高級組銀牌決賽依然非常緊張，比賽日更提早起床出門，確保可以早點到達球場打點一切，辛苦超乎想像。但到頒獎一刻，「阿鏗」卻有苦盡甘來的感覺：「雖然好多嘢要兼顧，但都係一個好好嘅經驗，嗰日之後個人散晒！自己冇份踢，但精神上近乎崩潰狀態！好多謝班球員為大家奮鬥，到最後如願以償奪冠，捧盃嗰一刻真係好感動，諗番起兩年前因失落冠軍喺大球場喊，到眼濕濕攞住塊獎牌，個感覺好唔一樣，球隊上下最緊要大家一隊波一條心，咁就做乜都會事成！」
