職場新人變冠軍助理

坦言不喜歡讀書，亦討厭辦公室「坐定定」工作的譚德鏗，DSE放榜後即於勞工處網站尋覓心儀工作，3個月後，留意到元朗隊聘請球隊助理，決定見工並獲得聘用︰「始終係後生仔第一份工，當初見到啱自己嘅工就去試吓，最後要多謝『王生』、『王太』（即會長王威信夫婦）畀呢個機會，呢個職位通常都要有經驗或壓到場嘅人出任，難得佢哋唔介意，畀機會我呢個後生仔去試。」

一樽水一塊冰都關佢事

作為球隊助理，需要確保上下均有整齊制服更換，教練團擁有所需的訓練裝備，以及足夠的樽裝水和冰塊，雖然這一切看似普通不過的輕鬆工作，但假若在安排上有甩漏，隨時會為球隊帶來影響，「阿鏗」亦坦言，自己曾想過完成首個球季後離開︰「始終自己第一年出嚟做嘢，好多嘢例如相處技巧都有不足，有時做嘢有甩漏會影響到球隊，都有一定壓力，好多謝球隊上下包容，特別要多謝阿健（球隊經理周文健）同長哥（守門員教練梁卓長）當時叫我唔好走，鼓勵我繼續做。」

享受同球員並肩作戰

同時，「阿鏗」要多謝前教練馮凱文讓他在球隊中成長︰「好彩第二年馮Sir嚟到幫咗我好多，佢唔會當我係小朋友，當我係朋友咁看待，不過嗰年經歷最深就係15場不勝，其實對一支球隊嚟講係好誇張，無論教練、球員甚至我都面對壓力，譬如話教練會諗戰術同用人會唔會有問題，球員會諗自己心態、技術有冇問題，我會諗係咪做得唔夠或安排上有甩漏，裝備上配合唔到教練要求？幸好最後大家都調節到心理，球隊走出低谷，仲喺足總盃入到決賽，呢種先苦後甜嘅滋味係一個好深嘅體會，箇中上上落落其他人未必會感受到。」

圖、文︰何彥霆