張敬樂「親人」相伴踩出低谷

圖/文︰王藝霖

香港單車隊成員張敬樂，2016年在亞錦公路賽和場地賽勇奪3金2銀，成為「亞洲3金王」，高峰過後，隨之而來就是2年的低潮，其實豪奪3金前，「阿樂」曾經想過放棄：「拎金牌之前嗰一晚，我都係諗住唔再踩單車 ，仲好抗拒，但最後個人計時賽同公路個人賽都拎到金牌，我真係問自己，點解要拎牌，你做咩事呀張敬樂，其實好似精神分裂咁。」由矛盾去到精神分裂，張敬樂的掙扎只有自己知道，之後接近2年的低潮，他一直與「親人」尋找解決方法：「當時喺情緒好低潮嘅情況keep住踩，一路喺低谷兜圈，嘗試去搵番一個出口，去年全運拎銀牌，總算係一個出口。」

放大圖片	在單車路上，張敬樂曾在「去或留」的矛盾之間游走。

每日挑戰極限 艱苦中找平衡

「矛盾只因深愛着」，就算再抗拒，張敬樂仍然不能割捨單車運動，就算再辛苦，單車給予他的滿足感，就是沒有其他事可以取代：「2016年之前，自己好似失去咗平衡，好多訓練都好容易做到，令到滿足感冇咁大，所以好鍾意公路計時賽，因為呢個比賽其實挑戰緊自己嘅極限。」每天挑戰自己的極限，如何在艱苦中找到平衡，這種自虐的想法，相信只有單車運動員才可以理解，甚至只有單車運動員，才能了解到這項運動的獨特魅力。

對張敬樂來說，單車是他生命中最重要的「親人」之一，因為單車教識他不少人生的道理：「有時可能踩緊單車，個腦會無啦啦彈一啲道理出黎，例如想快唔一定要用力踩，有時你要慢番少少再去衝先得，如果唔係永遠都上唔到高位，要有休息先可以行到更長嘅路。」

亞運目標公路計時賽掛金

作為運動員，有良好的心態十分重要，如今的張敬樂，亦找到自己放鬆的方法，並為今年亞運定下目標：「公路計時賽要拎金牌！」運動員生涯並不長，經歷低潮後更加珍惜踩單車的每一天，讓我們一起期待張敬樂未來會有更燦爛的運動員道路。