R＆F富力砌香港飛馬
主場出擊的R＆F富力近4場比賽僅能取得1和3負戰績，代理主教練吳耀星上場菁英盃賽事因身體不適而未能南下，是役對陣香港飛馬將是他第一場親自領軍的比賽，吳耀星揚言：「我希望藉主場之利全取3分！」
雖然臨危受命，但吳耀星稱對球員已非常熟悉：「我由大概6年前睇住佢哋一步一步成長，加上我喺球隊擔任技術協調經理，參與好多佢哋嘅訓練，所以認識好深。」過去4仗共失14球，吳耀星表示：「我哋過去都為咗提升防守作準備，相信到比賽時會睇到比之前唔同嘅畫面。」另外，季初受注目的般連奴傷愈，吳耀星指：「我哋攻擊線有般連奴、利安高、基奧雲尼，甚至伊達，選擇係比較多元化，我哋要因應對手，亦要睇下般連奴狀態，正選陣容會有一定變化。」
至於北上作客的香港飛馬近況不俗，惟與榜首傑志仍有8分差距，故助教朱兆基表明「希望全取3分同傑志鬥到最後！」受賽程以及國際賽期影響，香港飛馬已20日沒有正式比賽，球員狀態成關鍵，朱兆基謂：「唔多唔少有影響，球隊不斷有操練，所以都冇問題。不過撞啱國際賽期，全部傷病球員都可以返番晒嚟，陣容上再完整啲。」
香港飛馬衝冠鬥到底
今仗主教練楊正光停賽，問及會否影響戰術調動，中堅張志勇稱問題不大：「其實我哋都好清楚『光哥』嘅要求，喺日常訓練都知道佢想我哋點，同埋『基哥』都有一定經驗，我覺得唔會有好大問題。」除楊正光外，隊長陳肇麒亦需停賽，朱兆基表示：「唔擔心，我哋仲有好多個進攻球員！」
陳焌鏗廣州直擊