傑志衝冠襲夢想FC
「中銀人壽香港超級聯賽」在國際賽期後重燃戰火，今日安排兩場好戲，頭場有R&F富力於燕子崗主場迎戰香港飛馬（見另文），而尾場則「預演」菁英盃4強大戰，由夢想FC於青衣運動場火併全取3分就有望提早封王的傑志。
下周中要轉戰亞冠硬撼天津權健的傑志，現時除列斯奧仍在養傷外，中堅艾里奧日前代表港隊對北韓時亦告受傷，經初部檢查後發現傷及膝部十字韌帶，今仗肯定缺陣，幸而早前受傷的黃洋則已復操，未知能否正選披甲，惟主教練朱志光認為即使部分球員踢罷國際賽後略有疲態，但仍對今仗爭勝信心十足︰「雖然話我哋有傷兵，但我哋贏完柏雷素爾之後，球隊士氣高昂，效果比起練兩個月波嚟得更好，因為呢場始終係振奮軍心同畀到信心嘅一場波，包括冇打亞冠嘅球員在內，我感覺到球隊嘅氣氛好強烈。」由於傑志現於榜首領先8分，在只餘4輪聯賽下，如今日頭場香港飛馬失分，而傑志贏波全取3分，即能以41分提早封王。
至於夢想FC，上仗於主場慘吞香港飛馬5蛋之餘，更有新加盟的歐陽耀冲未踢足半場便因傷退下火線，球隊於上周國際賽期的休戰期期間與理文進行友賽，並在派出多名副選球員上陣，結果以0比3落敗，近況低迷。今仗面對着狀態大勇的傑志，主教練梁志榮坦言對雙方下月於菁英盃4強對壘抱有較大期望︰「始終菁英盃需要出兩位年輕球員，咁我相信佢哋個合作性會冇原本咁暢順，希望球隊可以做好啲個紀律，到時可以『偷雞』。」
歐冲未弗要續抖
「細榮Sir」亦透露，可能要待至下場聯賽才讓歐陽耀冲復出︰「『歐冲』嘅傷勢都好得七七八八，但係佢成兩個禮拜冇練波，所以唔會畀佢踢先，始終佢都得7、8成狀態左右，可能下場聯賽先畀佢踢。」
文︰何彥霆