賴家朗多得賴羅球嘜到實
提起賴羅球，會想起甚麼？足球？5‧19？「波叔」？還是他的兒子賴家朗（Jonathan）？現年22歲的Jonathan於耶魯大學機械工程系畢業，回港後投身金融界，但虎父無犬子，或許是繼承了父親的運動DNA，這位金融才俊亦是屢獲殊榮的高爾夫球好手，更是香港高球隊代表之一，與父親睇齊！這一切除了天分和努力，也多得賴羅球發揮經典級後衞本色全程「嘜到實」！
「家朗」小時候已跟隨父親四出踢球，4歲時，因天氣關係無法踢球，碰巧隔壁有個高爾夫球場，自此Jonathan就對高球產生興趣，更於9歲起正式打比賽至今。早前在耶魯大學進修期間，既要上課，又要應付比賽，Jonathan憶述：「記得第1次打比賽時覺得好難，因為好多功課要做，打完18個洞波，夜晚喺酒店做到12點、1點，朝早5點鐘又要起身去比賽。」艱苦生活讓他學懂了分配時間：「我哋間大學冇其他大學咁多比賽，每季都係4至5個禮拜。如果我一早準備好學習嘅嘢，喺嗰段時間都唔會太辛苦，亦令我養成一有空閒就做『將來嘢』嘅習慣。」
感激HKGA支持 盼培養更多「賴家朗」
當問到Jonathan到底是如何加入港隊，他自己也弄不清楚，但賴羅球就發揮當年打後衞的本色，快狠準地幫囝囝解圍：「其實佢一直都係香港隊成員，因為讀書又唔可以成日飛返香港先冇出賽！直到2012年9月就第一次代表香港去印尼比賽，最近一次2014年世界大學生高爾夫球錦標賽，依家返咗嚟就多啲時間打。」兒子入選港隊，心繫香港體壇發展的「波叔」更期望粉嶺哥爾夫球場能夠培養更多「賴家朗」，為港爭光，而他亦多謝香港高爾夫球總會（HKGA）安排，等囝囝可以在粉嶺哥爾夫球會練習，更攞到冠軍。
回想起在美國的日子，原來賴羅球還要「人盯人」陪兒子比賽：「高爾夫球打得好早，嗰陣星期六、日打比賽，有陣時7點幾開波，佢又要早一個鐘到達，凌晨3、4點就要出發，揸兩個鐘頭車去賽場。佢打波我再瞓，第二日朝早又嚟過，持續咗3、4年左右。」為答謝父親無限量支持「嘜到實」，孝順仔Jonathan表示父親的要求都會一一答應：「佢想要咩我都會畀佢，搵到錢嘅話買間屋、買架車都無問題。」記者問道：「如果佢想抱孫呢？」他說：「咁咪抱孫囉！」
鳴謝：南華會高爾夫球部
圖/文：陳焌鏗