冠忠南區理文埋牙決高下
「中銀人壽香港超級聯賽」今午假香港仔運動場上演好戲，由冠忠南區於主場迎戰理文，這兩支於上周聯賽在不乏攻勢下落敗的隊伍，今季於聯賽及盃賽兩次對壘各贏一場，究竟雙方今次第3次碰頭鹿死誰手，一於黐實東網直播！（東網on.cc周六下午2時30分直播）
上月主場出擊擊敗夢想FC的冠忠南區，上周作客元朗領先一球下遭「橙衫軍」反勝，主教練鄭兆聰（Ricky）對球隊未能搶分感到不值︰「輸波點都會有啲影響，還好隊中有唔少經驗較多嘅球員，所以士氣方面影響唔算大。我同球員傾過，輸波當然唔開心，加上覺得唔應該輸，但有時足球就係咁，惟有盡快忘記佢，好好準備對理文呢場波，希望返到主場所有事會順利啲。」
冠忠南區今仗分別有列文及史必累積5面黃牌停賽，不過「Ricky Sir」認為球隊有足夠人腳應付，至於在賽事中因傷退下火線的陳肇鈞亦已復操，有望於今仗上陣。
馮Sir倒戈穩守為先
剛於過去3場聯賽經歷「地獄賽程」，並與傑志及和富大埔等港超三甲勁旅交手的理文，雖然三戰皆北，但上仗作客對「2哥」香港飛馬僅以2比3落敗，教練馮凱文認為球隊表現已有改善，惟球員一時犯錯致付出代價︰「其實球隊進步緊，當然每場波都有啲犯錯，一犯錯就導致失波，呢個係依家要面對嘅問題。上場波我哋輸咗兩個反擊，呢樣係我哋由開季至今嘅弱項，所以要針對呢個情況去改善。」
曾執教南區的「馮Sir」坦言，今仗作客將會是場硬仗，幸好球隊今仗有巴西前鋒利馬復出︰「其實南區唔易應付，仲要作客地獄球場，我教過佢哋，所以球隊會以穩守為主，之後再配合突擊。近兩場雖然唔係踢得差，但始終冇分落袋，希望今場可以搶到分。」
本周賽程
中銀人壽香港超級聯賽
3月10日（六）
冠忠南區 Vs 理文
香港仔運動場
下午2時30分
$80、$30（特惠票）
3月11日（日）
陽光元朗 Vs 和富大埔
元朗大球場
下午2時30分
$60、$20（特惠票）
夢想FC Vs 香港飛馬
青衣運動場
下午5時30分
$60、$20（特惠票）