傑志今仗作客，有部分「藍鳥」球迷追隨到日本，入場為愛隊打氣，其中撐足6年的Tony，兩年前與志同道合的朋友創立「Ultras Bluewave 藍浪打氣團」，從去年12月分組賽抽籤後已籌備今次隨隊打氣，機票連住宿共花約3千多元：「睇傑志踢亞冠盃係我多年心願，當然要打氣支持，想球員知道有我哋喺背後，希望佢哋踢出水準。另外亦順便睇埋幾場日職，觀摩日本球迷打氣節奏，學習佢哋嘅紀律性。」