昨日NBA大戰，騎士主場以88比120不敵火箭，大敗32分連主場球迷都喝倒采，勒邦占士（圖左）僅獲11分，巧合地騎士近8次全美直播賽事全敗，賽後「大帝」批評隊友未能執行球隊戰術，更「發老脾」叫電視台取消直播騎士賽事！
昨仗騎士球員齊齊啞火，占士及湯馬士僅獲11分及12分，火箭的占士夏登及基斯保羅合轟38分，協助火箭3連勝。由於戰情太「肉酸」，騎士球迷忍不住向主隊柴台，「大帝」亦嬲爆：「成隊都冇執行戰術計劃，真係唔知講乜好，電視台應該取消我哋嘅直播，每次直播我哋都被虐待！」
