譚偉洋：邊隊贏都咁開心!

身為張振興名宿兼前男拔助教譚偉洋，在2000至01球季帶領張振興奪冠和取得賽事MVP，翌年成為首間衞冕的男子組學校，兼成為首位「冧莊」奪得MVP殊榮的球員，擁有多重身份的他昨日亦有到現場觀看男子4強賽事。對於母校張振興事隔16年再殺入精英賽決賽，賽後他笑到「四萬咁口」，並與教練馮逸朗密密斟。對「阿洋」來說，今天決賽的組合「手心手背都係肉」，他搞笑表示：「兩隊贏我都開心。」但他亦給予師弟一些小貼士：「最重要留意葉耀邦同梁嘉顯，睇完4強覺得呢兩名球員比較弗，需要加強防守。」湊巧的是，譚偉洋今天將會夥拍李嘉耀做決賽的直播旁述，「阿洋」笑言：「已經做足準備，因為兩隊我都熟晒！」