擔正主持首課操練 和仔：球員識諗信晒佢哋!
東方龍獅上周五宣布由李健和掌帥印至季尾，「和仔」昨午於九龍仔公園首度「擔正」主持操練，表示球隊氣氛轉好，但大家都不捨得司徒文俊：「職球員由開季以嚟一直都好支持『司徒』嘅工作，今年開季成績唔係咁好，主因部分主力受傷，無形中產生咗唔少壓力。我諗『司徒』都受外間好多壓力，佢始終係比較年輕嘅教練，未必能長時間承受，終於頂唔順要轉一轉環境，呢層我哋理解嘅，但覺得有啲可惜。」
葉鴻輝指要調整心態迎將來
球隊正積極備戰周二晚亞冠盃外圍賽第二圈對越南清化，李健和表示球隊踢法上短時間不會有太大變化，更謂有信心可重振士氣：「當然有信心！我哋所有球員都好專業，每位都清楚跟住落嚟要做啲咩、每場波付出幾多。呢一刻做番正常嘢，個個都大個仔啦！唔通仲要埋去攬住佢啜一啖咩！」
至於隊長葉鴻輝認為上仗以1比8不敵傑志，球員責任更大，希望可重拾士氣：「我哋冇好好表現應有水準，嚟緊心態要調整，每個球員都要忘記過去，努力面對將來。」
胡恩晴報道