香港東方今晚8時作客硬撼印尼泗水騎士，力爭ABL兩連勝；騎士3戰僅1勝2負，不過中鋒威廉斯場均取得17.7分、11.3個籃板，加上這支新球隊為賽事增添神秘元素，令東方隊長李琪未敢鬆懈：「騎士實力有幾多要打過至知，不過對手主場特別醒神，外圍命中率比作客高，兩位內線外援好強，外線亦係國家隊球員，預期今場勝負關鍵係防守，唔可以畀佢哋輕易起手。」
上仗險勝菲律賓火焰後，李琪認為球隊的集中力要更專注：「上次半場領先唔少，但去到第3節尾段放鬆咗，結果畀人追番，只要改善呢個問題，保持集中力，我有信心可順利贏波！」
球隊今季外援位置有所變動，李琪指他們為本地球員帶來衝擊，尤以Moss為榜樣，他上年無落場都Keep住努力，大家都好欣賞。至於胡卓斌證實左手韌帶撕裂，替補其位置的鍾俊昇就表示會全力以赴，將在外援身上學到的技術發揮出來。（有線62及202台周日晚7時45分直播）