標準流浪理文3分不能少

「中銀人壽香港超級聯賽」今午2時30分假深水埗運動場上演激戰,為季初因颱風取消的賽事舉行補賽,由今季分道揚鑣的標準流浪和理文對壘,這兩支以年輕球員為骨幹的球隊近況平平,目前分別處於榜尾及尾二位置,在3分對兩隊同樣重要之下,料今仗勢必掀起惡鬥。

上仗作客僅以0比1不敵夢想FC的標準流浪,目前在聯賽5戰1勝4負僅得3分處榜末位置,但比排尾二的理文少踢1場。主教練狄恩坦言,球隊今仗全取3分比起場上的任何事情更加重要︰「我認為球隊已經逐漸進步,上仗因個別球員犯錯而落敗,比較難去扭轉敗局,因此我需要畀球員知道佢哋邊度犯錯,並希望佢哋唔會再犯,不過球隊依家喺紀律上已有明顯改善。今季每一場賽事都重要,但現階段要球隊踢得好定係全取3分?我會選擇後者,因為今季每1分都咁重要,不過我可以肯定班球員會傾盡全力應戰。」

「馮奇」勉勵球員要自信

今季聯賽主場不敗紀錄於上周被香港飛馬擊破的理文,目前仍有佐迪、黃駿軒及許嘉樂尚未完全康復,領隊馮嘉奇表示,不會冒險讓球員負傷上陣︰「假如球員唔夠狀態上場,最終要再傷多兩個月的話,就算贏到波但犧牲都係太大!」「馮奇」亦勉勵球員要對自己有信心︰「球員喺輸波後信心受到打擊,過往喺場上表現亦受到影響。佢哋要明白贏波唔只係向我有交代,而係向佢哋家人、朋友同球迷證明自己嘅實力。我相信只要佢哋對自己有信心,避免犯錯,會係球隊爭勝關鍵。」