袁皓俊要做范俊業2.0
季前或者球迷對袁皓俊並不熟悉，這位自15歲已轉踢職業的小將苦等7年，終於吐氣揚眉，4次聯賽上陣就兩奪東網直播「仁和堂Man Of The Match」，漸漸站穩香港飛馬正選門將席位。由青年軍到現時守門員教練，前香港隊首席門神范俊業對「阿袁」的成長舉足輕重，9載師徒情助「阿袁」建立態度及自信，並揚言：「我想成為下一個范俊業！」
袁皓俊的足球路由起步已不如意，小時候因肥胖身形被教練安排當守門員，未能如其他小朋友般一嘗入波快感：「嗰時冇得參與進攻當然唔開心啦，但接觸多咗呢個角色，擋咗幾球靚波，發覺將挑戰逐一化險為夷都好有成功感，仲開心過入波，慢慢就鍾意守龍。」結果年僅15歲，「阿袁」就獲當時天水圍飛馬主教練陳曉明賞識，自覺在青年軍有一點成就的他欲嘗試新事物，便決定投身職業足球。不過擔當3號門將的他一直「坐冷板」，最終於2014至15年球季外借和富大埔，以19歲之年齡首次在港超披甲，看似好夢成真，想不到又是一場噩耗：「開波3分鐘就畀人射破十指關，完場前仲要攞埋紅牌，當時覺得自己踢波呢條路好波折，信心開始動搖。」
恩師寄語以表現累積信心
幸好該季完結後他回歸香港飛馬，與守門員教練范俊業繼U13青年軍後重遇，「阿袁」在恩師身上找到最專業的態度：「佢要求我哋每次練波都畀足晒所有力，投入晒做到最好，我梗係想成為下一個范俊業，甚至乎好過佢，但始終仲有好遠嘅路途。」袁皓俊是范Sir執教鞭後的首批徒弟，由初時的「肥袁」到今日的成熟，范Sir大讚有潛質之餘，亦不忘提點愛徒：「現時守門員腳下功夫需求亦好大，佢最大潛質係用波方面，接高波都做得唔錯，不過守門員唔可以一步登天，若果佢自信可以再提高，成就會再提高。每一秒落場都係表演時間，要畀到球隊信心，就係每一分鐘咁爭取返嚟，所以要隨時做好準備。」
因隊友梁興傑受傷，袁皓俊今季臨危受命於對東方龍獅一役上陣，結果憑多次精彩撲救當選「Man Of the Match」，終於一吐烏氣：「始終踢首場港超係3年前，等咗咁耐先有穩定表現，真係好興奮同感動。7年職業生涯真係唔容易，將學到嘅都用得番晒，呢場波我好深刻，有一種吐氣揚眉嘅感覺。」
力求進步爭入港隊
去仗飛馬惡鬥理文，「阿袁」於尾段撲出十二碼助球隊保持清白之身，再度成為「MOM」，不過本地門將人才輩出，要爭逐成為港隊門神對他似乎仍言之尚早：「我會大膽去踢，做好每個細節同動作，用穩定表現畀教練多個選擇。每個門將成長都由錯誤中學習，我每場波都會畀自己一個更高嘅目標，自評合格就可以。亦希望可以入選港隊出戰省港盃等賽事，利用大賽節奏去訓練點樣集中比賽，吸收更多經驗。」
袁皓俊 Profile
花名：肥袁
出生日期：1995年7月19日
身高：1米80
位置：守門員
曾效力球會：和富大埔
現效力球會：香港飛馬
球衣號碼：88
圖/文：袁志浩