漢華稱王封后驊仔飲得杯落
「港島區D1中學校際籃球比賽」昨日上演男女子A Grade決賽，漢華中學男、女隊分別迎戰張振興伉儷書院及英華女學校，最終兩場決賽漢華皆有驚無險勝出，首次同時贏得男、女子冠軍，賽後一眾球員更拋起教練翁金驊慶祝！
頭場漢華女隊與英華女學校連續3年合演冠軍戰，漢華雖然半場已開行火力，但英華靠全場攻入19分陳煥榆獨力追分，她在最後4分鐘上籃得手，追成35平手，令全場觀眾勁肉緊！幸好漢華有隊長羅家誼關鍵時刻射入6分穩定軍心，雖然她最後因對手犯規戰術而受傷離場，但漢華仍以42比38贏波，取得港島區D1女子A Grade 4連霸。今仗攻入13分的馬丹鳳賽後表示，全隊被帶傷上陣的隊長羅家誼所感染，所以特別落力。
男子組最後0.7秒決高下
男子決賽壓軸上演，漢華男隊亦希望爭一口氣，在丘家樂帶領下，下半場一度拋開至26比15，落後的張振興在第4節發力曾一度反先，可惜隊長林文政在完場前0.7秒，罰球兩射中一，最終漢華以38比37險勝，男、女隊首次同時贏得港島區D1冠軍。賽後翁金驊被球員拋起慶祝，坦言男隊終於守得雲開：「最開心係見到球員成長，希望佢哋帶住呢份拚勁，繼續行呢條路。用今場勝利加強自信，喺精英賽更進一步。」
