咸美頓「瘋狂戰車」又排頭位

咸美頓駕「瘋狂戰車」第71次贏排位賽！本季第「尾五」站F1日本站昨進行排位賽，平治車手咸美頓以1分27秒319造出最快圈速，刷新了鈴鹿賽道圈速紀錄的他賽後豪言：「來到這兒，部車很瘋狂！」在車手榜力迫「黑帝」的維度爾亦戰意高昂，「攝」上第2位，勢同咸美頓「鍊到盡」，今日正賽好睇過戲！

目前在車手榜以34分領先的咸美頓，之前3次出戰鈴鹿賽道均能封王，信心特別強，於排位賽保持出色表現：「每一圈都好美妙、好爽，我知道機會賽一次就少一次，所以今次一定要贏到。」咸美頓特別受日本車迷及小朋友歡迎，賽前更為他Selfie打氣。

平治另一車手保迪斯本來以第2快圈速完成排位賽，但由於其戰車故障將要更換波箱，因而在正賽罰退5位發車，令維度爾得益升1級以次席起步，不過其隊友「冰人」拉哥倫因戰車撞牆受損，也要更換波箱而被罰，正賽將跌到第11位起步。

（Now 671周日中午12時直播）