搏到盡入波兼入廠 陳偉豪助夢想FC開齋

元朗開賽把握主場氣勢狂攻，10分鐘艾華頓偷得梁國威腳下球，隊友狄卡奧引球推進射破謝家榮十指關，為球隊領先1比0。落後的夢想FC於22分鐘靠角球攻勢追平，隊長陳偉豪於遠柱飛身撞入，惟他與對方球員相撞後倒地，要由擔架抬離場治理。11分鐘後夢想FC故技重施，再用高空攻勢轟炸元朗，由柏保路頭搥破門，助球隊半場反先2比1。

半邊手「郁唔到」送院檢查

下半場63分鐘夢想FC於禁區頂搏得罰球，祖亞昆主射省中人牆改變方向入網，助球隊鎖定勝局，結果夢想FC作客以3比1反勝陽光元朗，打開今季聯賽勝利之門。賽後夢想FC教練梁志榮指「偉豪」有半邊手「郁唔到」，需要入院作詳細檢查。臨危受命入替的小將黎厚希坦言球隊受隊長的拚搏精神感染，屬贏波關鍵：「作為有氣有力嘅年青球員，見到老大哥咁搏命追平，無理由唔搏埋佢！」