自動加操麥基想射術升呢

港超今夏幾乎全部球隊均有出外集訓，而東方龍獅更先後前往佛山及泰國進行季前集訓，前鋒麥基則透露，自己在集訓期間自行加操，希望藉此改善自己的射術：「今季開咧戰就要對住傑志，不過遲早都要踢，惟有接受安排，好在經過內地同泰國嘅集訓之後，球隊同自己狀態都保持得唔錯，我自己喺泰國期間，喺操練完成後亦有搵『羅Sir』（羅繼華）同我加操，希望強化自己嘅射術，特別喺First touch方面，再加上我喺集訓期間亦跟前鋒拍檔古高同房，所以無論喺場內場外同佢嘅認識都加深咗，默契方面絕對有幫助，希望能夠一齊合作創出佳績。」