理大響頭炮阿洋讚Fit爆

香港理工大學100:49新加坡南洋理工大學
梁兆華（中）表現Sharp醒，頻頻搶分得手。

揭幕戰前大會舉行開幕禮，現場有舞獅助興，氣氛熱鬧。主場出擊的理大由梁兆華、蔡再懃及黃律堯等幾位甲一球員領軍出戰，甫開賽就有蔡再懃兩次剷入對方內線博得犯規，並且4罰全中，加上梁兆華的三分球，助球隊打出一波9比0攻勢領先。這對「孖寶」首節尾段再合共狂擸13分，亦多次助攻給中鋒譚子健於籃底搶分，即使南洋理工嘗試以外投追分，但理大半場仍輕鬆領前49比29。

黃律堯一日趕兩場冇問題

下半場理大作出輪換，一眾球員同樣得分停不了，不時利用快攻找出空位表演身手，看到現場球迷拍爛手掌！最終理大愈帶愈開，憑梁兆華及蔡再懃合共貢獻40分，以100比49大勝南洋理工，打響頭炮為爭入決賽注下強心針。身為理大主力的黃律堯同日晚上亦要為南青應付甲一賽事，但一日兩仗看來對其無太大影響：「體力上會自行分配好，自己今場上陣時間不算多，完場後盡快回家爭取時間休息，加上拉筋及補充能量，要連打兩場絕對無問題。」

黃律堯幫完理大落場，晚上又替南青打甲一，豪言冇問題！	理大校長唐偉章（右起）、科勁發展有限公司主席黃少華及理大校董會副主席林大輝，主持開幕點晴儀式。	京都大學（左）展示實力大勝對手。

今鬥汶萊大學乘勝追擊

理大教練譚偉洋就對賽果感意外：「其實知道對方頗具水準，但我們發揮很理想，三分球命中率很高，尤其兆華4射4中，為球隊拉開比分。我看到球員經過球會比賽後，質素和狀態都提升很多，是我執教數年來最弗，因此對奪標信心倍增！」理大今日將迎戰汶萊大學，由於汶萊大學昨日以23比93大比數不敵京都大學，因此「阿洋」有信心可再下一城，繼續向冠軍邁進。