港隊爭氣送別陳偉豪

在天文台發出酷熱警告下，港隊昨晚獲2,742名球迷捧場。主帥金判坤正選陣容排出4-3-3陣式，「主角」陳偉豪先任後備。 港隊曾於3月作客淨吞約旦4蛋，但今仗表現並不輸蝕，麥基更頻頻利用速度力壓對手，而在15分鐘，全場球迷為身穿15號球衣的陳偉豪起立鼓掌致意。戰至44分鐘港隊憑一次罰球攻勢將皮球送入網窩，惜艾里奧的入球被球證指犯規在先無效，半場打和0比0。賽事到73分鐘陳偉豪後備入替羅拔圖，並由葉鴻輝替其戴上隊長臂章，在球迷熱烈掌聲和歡呼下步入球場，當他觸球時更令全場起哄，而「偉豪」亦成功解圍兩次，為港隊力保清白身。

感激隊友帶來完美回憶

「Kim Sir」賽後率領全軍歡送這位鐵血隊長，並由偉豪長子景堯向爸爸獻花送驚喜。向來「把口唔停」的偉豪臨別感言亦不忘搞笑：「做球員永遠唔知下場比賽係幾時，今場比賽係我最享受同最珍惜，因為知道唔係自己踢先。喺度特別多謝一班隊友踢出一場精采比賽，唔知係咪因為我嘅關係好搏，好似李志豪、林嘉緯及盧均宜；仲有後期嘅葉鴻輝，我哋一齊經歷過唔少大小戰役，冇咗你哋，我嘅港隊回憶一定冇咁完美。今日有呢個儀式，唔代表我嘅地位比大家高，只係我年紀大啲，要行先一步。」

陳偉豪（左）後備落場，貫徹鐵血本色。	「偉豪」發言時，忍不住眼泛淚光。	全家撐場 陳偉豪的大日子，「偉豪媽」(上左）與「偉豪爸」，聯同「偉豪阿嫂」及「偉豪姪女」，當然要撐場啦！

此刻偉豪難掩感性，呼籲球迷繼續支持香港足球員：「喺呢個時候離開係最適合，見到唔少有質素嘅年輕球員，大家都係用青春為港隊效力，每位都係願意為港隊犧牲嘅英雄。特別感謝球迷為我搵番唔少香港隊紀錄，仲有第15分鐘嘅掌聲，雖然只係1分鐘，但係係我用17年堆砌得嚟。」

戰友贈興 陳肇麒和張健峰等一班港隊戰友，在看台上歡樂地見證「偉豪」的港隊最後一戰。

人人都偉豪 足總特別印製2,000個「偉豪面具」，令到看台上的球迷只要有心，個個都可以做「偉豪」。

港隊下周二撼北韓送上祝福

陳偉豪於18歲首度代表港隊作客阿聯酋打和1比1，最後一戰再遇西亞球隊力保和局，他坦言結局圓滿。被問到73分鐘才上陣會否不夠，他笑言：「夠晒架喇，始終而家體能要應付高強度比賽會吃力。阿Kim今日原本比我踢耐啲，但我見隊友踢得咁好，無謂打搞。」港隊將於下周二的亞洲盃外圍賽主場鬥北韓，偉豪送上祝福：「以往我踢港隊對北韓有唔錯紀錄，港隊一向遇強愈強，Kim Sir，Sure Win！」