- on.cc 東網主頁
- 3月18日 (二)
出晒名係阿仙奴球迷嘅藝人袁文傑，早前喺本報撰文，呼籲反雲廠迷冷靜啲，唔好喪踩領隊雲格。當時「游生」講過，雲格續唔續約都好，都會祝福教授，最終呢位法籍領隊留到2019年，袁文傑又點睇呢？
袁文傑話近幾季英超愈嚟愈激烈，阿仙奴一定要提升競爭力，佢都好老實咁話如果季尾繼續頹，雲格一定Out。不過兵工廠季尾表現回穩，袁文傑指反映球隊其實有能力踢好波，依家換領隊的話，隨時又要推倒重建。不過，「游生」否認換領隊都幫唔到阿仙奴：「但以兵工廠作風，同雲格咁鍾愛阿仙奴，好比姣婆遇着脂粉客，大家都係情投意合，盡可能都唔變。」由於季尾咁出色嘅表現，所以確立「唔變就最好」呢個原則。
最後佢再重申，球迷應該「尊重雲格佢老人家」，既然已經決定留任，唔應該大聲疾呼教授應該要走：「賽事係一屆一屆咁去睇，雖然阿仙奴已經一年復一年咁同樣拍緊近似劇本，但係未來一季大家係咪肯定一樣呢？呢一點我哋冇人知道，冇人能夠百分百保證。咁我當然希望阿仙奴有個煥然一新、突破向上嘅發展。」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
