巫師追平 要打生死戰

綠軍玩嘢着黑衫進場 輸波(火羅)爆

今場部分「綠軍」塞爾特人球員穿上黑衣進場，意思是要參加巫師的「喪禮」，可惜球員表現未能置巫師於死地，王牌球星湯馬士演出失準，上陣39分鐘24次起手僅得8中，全場埋單交出27分及7助攻。值得一提自1988年以來，巫師在季後賽生死戰從未贏過，賽前已經連續輸掉7場主場季後賽生死戰，今場巫師靠約翰禾爾和比爾奧大打爭氣波，帶領球隊力追成3比3，不用提早畢業，約翰禾爾今場貢獻26分及8個助攻，最重要是臨完場的絕殺三分波，隊友比爾奧亦錄得33分進帳。

其實巫師今季亦曾試過穿黑衣入場扮參加對手「喪禮」，賽後史葛布魯克斯笑言綠軍「抄襲」：「我要同律師講呀，呢個應該係我哋嘅標誌，我哋有版權！」塞爾特人主場對巫師的生死戰將於香港時間周二早上8時展開，不過最開心相信是早已進身東岸決賽的騎士，皆因無論對手屬誰騎士都有以逸待勞優勢。